Merkataritza jarduera desleialei buruzko zuzentaraua 2007ko abenduaz geroztik dago indarrean Europako Batasunean. Merkatari, banatzaile, publizitate eta marketing alorreko profesionalei horren inguruko informazioa ematea da, hain zuzen ere, jardunaldiaren helburua. Gipuzkoako Bazkundeak eta Eusko Jaurlaritzak irailaren 15erako antolatu dute hitzaldia.

Zuzentarauak merkataritza jarduera desleialak zeintzuk diren zehazten du, eta enpresa eta kontsumitzaileen arteko merkataritza akordio guztiei aplikatzen zaie. Gainera, enpresa zein kontsumitzaileengan du eragina.

Erretiroa hartzera doazen merkatari askok ezin izaten dute denda saldu eta ixtea izaten dute irtenbide bakarra. Ondorioz, bertako langileak langabezian geratzen dira. Horri aurre egiteko zerbitzu berri bat jarri du abian Donostiako Udaleko Sustapen Sailak.

Eusko Jaurlaritzak ekainaren 25ean onartutako legea indarrean dago uztailaren 7az geroztik. Merkatal jarduerari buruzko legeak jasandako aldaketen ondorioz, 150 eta 400 metro koadro arteko dendek ezingo dute astean 72 ordu baino gehiagoz zabaldu, ezta urtean zortzi igande baino gehiagotan ere.

Neurri horren bidez, bidegabeko lehia geldiarazi, eta lan arloa eta familia bateragarriagoak bihurtu nahi ditu Eusko Jaurlaritzak. Hala ere, okindegiek, gozo dendek, prentsa saltokiek, gasolindegiek, loradendek, tren nahiz autobus geltokietako dendek eta mugetako dendek ez dute neurri hori bete beharko. Guztira, mila komertzio ingururi eragingo dio erabakiak EAEn, eta horietako 350en jabeek jatorri asiarra dute.

Aurreko igandean Donostiako bazar txinatarrak zabalik zeuden eta jabeetako batzuk ez zuten legearen aldaketaren berri. Hala ere, legea uztailaren 7az geroztik indarrean dagoenez, beste zazpi igandetan bakarrik zabaldu ahal izango dute. Neurri hori betetzen ez badute 25.000 eta 900.000 euro arteko isunak jasoko dituzte.

Eusko Jaurlaritzak informazio foiletoak eta araudiaren nondik norakoak mandarin hizkuntzara ere itzuliko ditu, Euskadiko Txinatarren Elkarteak eskatu bezala.

Ondorioz, badira bi aste dendak deskontuak egiten hasi zirela. Beherapen ofizialak, ordea, asteartean hasi ziren eta ez zen eroslerik falta izan Donostiako dendetan. Kate handienen ateetan zein arropa probatzeko geletan jende ilarak izan ziren.